Лежерност, ведрина и младешки дух преовладуваат во колекцијата со која модниот бренд „Patrizia Pepe“ ја најавува пролетта.
Покрај неутрални нијанси, меѓусезонската колекција нуди и поразиграни комбинации од свежи бои. Забележлив е трендот „џинс на џинс“, а пеперутките се издвојуваат како карактеристичен елемент присутен на облеката, но и на модните додатоци.
Во колекцијата пролет/лето 2014 е испреплетена инспирација од стилот од 70-тите години со новите модни тенденции, сè со цел да се задоволат желбите на модерните припаднички на понежниот пол. Комбинациите изгледаат елегантно и женствено, а сепак се во кежуал стил и зборуваат за безгрижност и комфор.
