Летото е во полн ек, но тоа не значи ништо за модните брендови кои веќе започнуваат со лансирањето на есенските колекции. „H&M“ ги објави официјалните фотографии за колекцијата „Passion for Red“, наменета за наредната сезона.
Романтичните нијанси на виолетова и розова во комбинација со сивата боја на некој начин прикажуваат есенска носталгија по топлите денови. Моделите се лежерни, а комбинациите на фотографиите се комплетирани со допадлив накит и чанти кои оставаат впечаток.
Како и секогаш, шведскиот моден гигант успеа да ги земе трендовите од модните писти и да ги претстави на начин кој ќе се вклопи во стилот на секоја модерна урбана девојка.
