Сигурно ниту еден крадец на светот не би се осмелил да влезе во домот на Мајкл Џејмисон и неговата девојка Џеки Смит ако знае што го очекува таму. Тие чуваат вкупно 14 кучиња, но нивното петнаесетто милениче е најопасно. Низ домот на Џеки и Мајкл во Јужна Африка слободно се движи бенгалски тигар кој тежи 170 килограми.
Мајкл, Џеки и Ензо
Авантуристички настроените сопственици го купиле тигарот Ензо кога тој имал само девет месеци. Но, откако секој ден во текот на една година јадел по 5 килограми месо, Ензо од мало слатко тигарче се претворил во страшен тигар.
Мајкл го храни големиот тигар со млеко и храна за мачки, а Ензо обожава да се храни додека е качен на кујнската маса.
„Тоа што го имаме Ензо е неверојатно. Не можам да го споредам со ништо друго затоа што секој ден е различен“ – изјавил 37-годишниот бестрашен сопственик на Ензо.
Тигарот Ензо си „игра“ со мебелот
Ензо спие веднаш до креветот на Мајкл и Џеки, исто како да е дел од семејството.
Мајкл и Ензо во спалната соба
Мајкл и Ензо редовно си играат, но нивните игри кријат голема опасност. „Играњето со тигар може да биде навистина опасно. Ако те зафати на погрешно место, макар и да не те гризне, може да те изгребе со забите и ќе ти протече крв. Се помирив со тоа: секогаш кога играм со него, подготвен сум да прокрварам малку“ – раскажал Мајкл.
Погледнете како изгледа една нивна игра: