Оливија Вајлд по породувањето целосно му е посветена на синчето Отис, а нејзината фотосесија за „Glamour“ го потврдува тоа. На фотографиите за списанието, 30-годишната актерка го дои и си игра со својот тримесечен син.
Илјадници жени низ целиот свет имаат само комплименти за фотографијата на која е претставена силната врска помеѓу Оливија како мајка и нејзиното малечко, но не се ретки и негативните коментари.
„Совршено е што бев фотографирана со Отис, бидејќи секој портрет од мене во моментов не е комплетен без мојот идентитет на мајка. Доењето е најприродното нешто. Не знам, сега се чувствувам како Отис секогаш да треба да е на мојата дојка... Се разбира дека не изгледам вака кога дојам обично и најчесто е вклучена и пелена“ – изјавила холивудската ѕвезда.
Вајлд, која е верена со Џејсон Судејкис, дополнила и дека не брза да зачекори кон олтар. „Верени сме, но сѐ уште нема конкретни планови. На многу начини детето е повеќе од обврзување. Децата денес растат со многу дефиниции за тоа што е семејство. Она што сакам да го кажам е дека не чувствуваме притисок да се венчаме. Но, сметам дека ќе биде забавно“ – рекла таа.
Модната фотосесија со Оливија е дело на Патрик Демаршелие.
