Ели Сааб стекна светска слава со бајковитите фустани кои инстантно го заробуваат погледот, но во неговата понуда не отсуствуваат ниту обувки и модни додатоци.
Либанскиот дизајнер колекцијата ресорт 2014 ја комплетира со елегантни чевли и сандали кај кои забележителни се проѕирните ткаенини, чипката и перфорираната кожа.
Чантите следат геометриски форми, а се збогатени со златни детали, додека вечерните мали чантички се како декорирани блескави кутии. Кај накитот Сааб предност му даде на златниот изглед. Впечатливиот масивен накит е украсен со мали кристали кои го засилуваат гламурозниот ефект.
