Чисти и храбри силуети инспирирани од 60-тите години се карактеристика на елегантните обувки на Џими Чу од колекцијата ресорт 2013. Но, креативните директори на компанијата, Сандра Чои и Сајмон Холовеј, го истражуваа и модернизмот, користејќи сјајни сребрени и златни нијанси.
Колоритниот микс на колекцијата вклучува и тиркизни, портокалови и розови нијанси кои го засилуваат гламурозниот ефект на обувките.
Колекцијата плени и со разнообразноста, стремејќи се да ги задоволи желбите и на најпребирливите клиентки. Софистицирани сандали со сваровски кристали, сандали на платформа, шпицести класични чевли, патики со висока потпетица, свечени балетанки – понудата е толку голема, колку и женската желба сите овие модели да бидат сместени во еден плакар.
