Пред неколку дена стана јасно дека Версаче е најпребаруваниот моден бренд на Google за 2013 година, што не е големо изненадување, бидејќи италијанската модна куќа отсекогаш знаела како да им го привлече вниманието на обожавателите на модата.
Најновото од ателјето на Донатела Версаче е колекцијата „pre-fall“ 2014. 58-годишната дизајнерка направи спој на женствени креации во пастелни бои и флуидни силуети и рокенрол креации како кожени јакни. Комбинациите од високи чизми и кратки фустани се доказ дека Донатела повторно цели кон клиентките кои не се плашат од похрабар и посексапилен изглед.
