Оптимизмот владее во новата колекција на Кристијан Лобутин за следната топла сезона. Францускиот дизајнер ги заборави високите платформи и се концентрира на елегантните силуети кои се симбол за нежност и женственост.
Имајќи ги на ум дамите кои сакаат забележителен украс на своите нозе и во своите дланки, Лобутин претстави колекција обувки и чанти кои не ги напуштаат лесно мислите.
Чевлите и сандалите не ги игнорираат модните тенденции како проѕирни елементи, класичен шпиц и ремчиња на глуждовите и се разбира го носат препознатливиот лакиран црвен ѓон, додека чантите се придржуваат кон посакуваната минијатурност и колоритност.
