Новак и Јелена Ѓоковиќ влегоа во радарот на неуморните папараци во Западен Холивуд. Популарниот пар беше фотографиран во лежерно издание за време на прошетка со своите две кучиња.
Успешниот тенисер деновиве го привлекува вниманието на своите фанови со фотографии на кои игра балет со својата сопруга. Откако ги сподели фотографиите на социјалните мрежи, Новак привлече многу пофалби за своето ново хоби, а неговата сакана привлече многу комплименти за убавата фигура.
Јелена се породи во октомври минатата година. Првото дете на парот го доби името Стефан.
Кога Новак не е на теренот, главна преокупација му е неговата фондација која ја раководи Јелена. Пред една недела тој посети едно од многуте училишта кои се реновирани благодарение на средства донирани од Фондацијата Новак Ѓоковиќ.
„Верувам дека развојот во раното детство е од суштинска важност за децата. Затоа, една од нашите цели е да се подигне свеста за важноста на предучилишните програми“ – рекол 27-годишниот спортист.
Фондацијата со години им обезбедува подобар живот и образование на мали деца во Србија, кои поради какви било околности не добиле можност за здраво и нормално детство.