Ралф Лорен очигледно си постави цел неговите клиентки да се чувствуваат топло, удобно и елегантно во текот на претстојните студени месеци. Реси, плетива, неутрални нијанси, шешири, издолжени силуети, извонреден накит... колекцијата есен/зима на популарниот креатор се темели на номадска романтика и едноставна елеганција.
„Инспириран сум од жената која се осмелува да ја изрази својата индивидуалност со храбра креативност“ – вели Лорен, кој се запраша како може текстурите да станат луксузни и тоа стана појдовна точка при создавањето на неговата дамска колекција.
Низ колекцијата може да се забележи влијание од Дивиот Запад и „крзнени“ парчиња, но брендот објасни дека продолжува да вели „НЕ“ на користењето на природно крзно и дека сите парчиња кои имаат крзнен изглед се изработени од волна.
Кампањата со моделот Сане Влоет беше снимена во Финска.
