Брендот Алфред Анџело во соработка со Дизни секоја година изненадува со колекција венчаници инспирирани од хероините од незаборавните цртани филмови.
Годинава невозможно беше да се прескокне невестински фустан кој го отсликува стилот на снежната кралица Елса од хитот „Frozen“.
На ревија во Њујорк беше претставен фустанот во нежна ледено сина нијанса, изработен од слоеви сатен, тул, блескава мрежа и органза. „Лик како Елса е огромна инспирација за секој дизајнер. Таа е убава и елегантна и нејзината внатрешна убавина зрачи кога таа конечно самоуверено ќе покаже дека не се плаши да биде она што е“ – вели Микеле Пичоне од Алфред Анџело за InStyle.
Фустанот ќе биде пуштен во продажба во јануари по цена од 1.399 долари.