Аби Рамирез-Бодли отсекогаш замислувала дека ќе се омажи во венчаница во винтиџ стил, но фустаните кои ги гледала во продавниците биле прескапи за неа. Сè што ќе ѝ се допаднело на 22-годишната девојка, имало цена од над 1.000 долари. Затоа, таа решила да си сплете сопствена венчаница.
Аби посветено работела на својата идеја и за осум месеци венчаницата била готова. Резултатот многу ѝ се допаднал. „Бевме одушевени исто како и сите останати. Сите кои ме познаваат знаат дека би го избрала овој фустан пред купениот“ – рекла Рамирез-Бодли.
„Да создадете нешто со сопствени раце од љубов е многу специјално на најважниот ден од вашиот живот“ – вели Аби и ги советува сите идни невести да започнат рано со подготовките за да не се фрустрираат. „Резултатот ќе ви покаже дека работата вредела“ – додава таа.
Аби и нејзиниот сакан стапија во брак на 27 октомври оваа година.