Мајк Даргас импресионира со својот талент. Германскиот артист создава неверојатно реалистични портрети кои изгледаат како фотографии.
Даргас, кој црта уште од мали нозе, користи маслени бои при создавањето на своите уметнички дела. „Немам студирано уметност. Едноставно започнав да цртам на 3-годишна возраст. Претпоставувам дека имав 7 или 8 години кога беше продадено моето прво уметничко дело“ – изјавил Мајк за Bored Panda. „Поседував студио за тетовирање 14 години за да можам да си обезбедам средства за живот, сè додека не одлучив да станам уметник. Денес цртам големи реалистични портрети со масло“ – додал 33-годишниот артист.
