„Burberry“ повторно спои две генерации на модели. Откако ја искористи моќта на модното дуо Кејт Мос и Кара Делавин за кампањата за парфемот „My Burberry“, легендарниот британски бренд се префрли на Наоми Кембел и Џордан Дан.
44-годишната Кембел и 24-годишната Дан позираа пред објективот на врвниот фотограф Марио Тестино во Лондон.
„Наоми и Џордан – две големи британски икони, две силни убави жени и две совршени лица за нашата нова кампања. Како и секогаш, вистинска привилегија е да се работи со нив“ – изјавил Кристофер Бејли, креативниот директор на Burberry, коментирајќи ги стилските хероини од кампањата пролет/лето 2015.
Машката колекција ја претставуваат Џорџ Барнет и Џорџ Ле Пејџ.
