Присуството на Бијонсе на доделувањето на престижните награди „Греми“ не помина незабележано заради нејзиниот жежок настап со Џеј Зи. Но, освен изведбата на „Drunk In Love“, другата причина поради која музичката дива се најде во медиумите беше нејзиниот накит.
По завршувањето на настапот, 32-годишната ѕвезда се пресоблече во бел фустан од Мајкл Костело кој ги оцртуваше нејзините облини. Во стајлингот беше вклопен дијамантски накит од Лорејн Шварц со вртоглава цена од 10 милиони долари.
Самата дизајнерка објави фотографија од масивниот накит на Instagram, нарекувајќи ја Бијонсе своја муза.
Ова не е првпат холивудска ѕвезда да заблеска со накит со луда цена. Софија Вергара на „Еми 2013“ носеше накит во вредност од над 7 милиони долари.
Џесика Алба на „Златен глобус“ минатата година се појави со огрлица од 5,8 милиони долари.
