Тери Смит, за која се верува дека е најдебелата жена на светот, започнува со нов режим на исхрана и вежбање, откако докторите ја предупредиле дека може да умре.
49-годишната американка има нешто помалку од 320 килограми и не е во можност да се движи, да стане или да се преврти во креветот без нечија помош.
Во последно време таа многу често имала главоболки. Докторите веруваат дека има проблем со мозокот и сметаат дека под итно треба да ѝ биде направено скенирање. Но, поради големата тежина, Тери не може да влезе во MRI скенер.
Со цел да може да го направи потребното скенирање, Тери сега започнала да држи диета и да прави вежби. За неа се грижат нејзиниот 44-годишен сопруг Мајрон и нивната ќерка Наџа.
Тери и нејзиниот сопруг Мајрон
„Мојот сопруг е мојот ангел чувар. Тој остана покрај мене и покрај сè. Повеќето мажи досега ќе имаа заминато и кој би ги обвинил – Мајрон е жив светец“ – изјавила таа.
Тери отсекогаш имала проблем со тежината. Уште на 20 години тежела 113 килограми, но била активна и работела како негувателка. И кога е омажила за Мајрон била дебела, но како што поминувало времето таа станувала сè поголема и поголема, а нејзиниот сопруг и нејзината ќерка останале слаби.
Наџа ѝ помага на Тери со вежбите
На 32 години Тери добила артритис во колената и не можела да се движи. Поради мирувањето, таа уште повеќе ја зголемила својата тежина. Во еден период кога докторите ѝ ги промениле лекарствата таа за 30 дена се здебелила 41 килограм.
Во моментов, со диетата Тери всушност се бори за својот живот.