Моника Белучи им се придружи на Доменико Долче и Стефано Габана на промотивен настан во Москва, Русија.
49-годишната актерка и славните италијански дизајнери ги промовираа новите кармини од линијата „Dolce&Gabbana Classic Cream“ и отворија нов козметички оддел во трговскиот центар „ЦУМ“. Белучи заведуваше во тесен црн фустан од креаторското дуо.
Познатите креатори често напомнуваат дека Моника е нивна муза и имаат создадено колекција шминка која го носи нејзиното име („True Monica“).
Моника е и заштитно лице на кармините „Classic Cream“. Неодамна беше објавена рекламна фотографија и видео во кое Моника вели дека жената „Долче и Габана“ треба да умее да биде елегантна и сензуална во исто време.
