Синоќа во лондонската О2 арена се одржа доделувањето на Британските музички награди. Палома Фејт ја прими наградата за Најдобра британска пејачка, додека Ед Ширан беше прогласен за Најдобар британски пејач.
Палома Фејт
Ед Ширан
Фарел Вилијамс и Тејлор Свифт ги добија наградите Најдобар интернационален пејач и Најдобра интернационална пејачка.
Ед Ширан ја прими и наградата Најдобар албум за „X“, додека Сем Смит доби награда за огромниот успех што како нова британска музичка ѕвезда го постигна во изминатава година.
Сем Смит
На црвениот тепих Рита Ора блесна во креација од високата мода на Зухаир Мурад, а Свифт избра фустан со црвена декорација од ателјето на Кавали. Кара Делавин промовираше лежерен шик во аутфит од Сен Лоран, додека Карли Клос му го довери својот свечен изглед на Том Форд.
