Миранда Кер е ѕвездата од едиторијалот „Sky’s The Limit“ на списанието „Harper’s Bazaar“.
31-годишната синоока Австралијка позираше за контроверзниот фотограф Тери Ричардсон во креации од модни куќи како Givenchy, Proenza Schouler, Versace, Alexander Wang и Balmain.
Во интервјуто за модното списание, Кер споделила дека е старомодна кога станува збор за додворувањето и дека според неа, девојките никогаш не треба први да му се јавуваат на момчето. „Верувам во тоа дека мажот треба да ја брка девојката, но тоа е мој личен став“ – рекла таа.
За сексот на првиот состанок Миранда вели: „Мојата филозофија е дека подобро е да нема секс додека не го запознаеш подобро, бидејќи како жена, ќе се приврзеш. Па, подобро е прво да одиш на неколку состаноци за да видиш дали сакаш да се приврзеш или не.“
