Мила Кунис е заштитно лице на компанијата за етичко ископување на скапоцени камења Gemfields. Шармантната актерка позираше со неколку блескави парчиња накит пред објективот на реномираниот фотограф Марио Соренти.
29-годишната актерка истакна дека секој што купува скапоцени камења би требало да се заинтересира за нивното потекло. Gemfields особено се залага за етичко ископување на скапоцени камења во Замбија, при што ги штити вработените и природната средата околу рудниците.
„Навистина верувам во мисијата на Gemfields за етичкото ископување и апсолутно се заљубив во реткоста, убавината и историјата на смарагдите“ – изјавила Кунис.
Пред неколку месеци Кунис ги посети и рудниците во Замбија за да се запознае со целосното патување на камењата од рудниците до потрошувачите.
