Лаура Џенкинсон е мејкап артистка која ги „оживува“ ликовите од своите омилени анимирани филмови, мудро сместувајќи ги на усните и брадата со помош на шминка.
25-годишната шминкерка и фризерка постојано објавува фотографии од своите дела на Instagram, каде има над 230.000 следбеници.
Шрек, Тасманскиот ѓавол, сунѓерот Боб и Симба се само некои од ликовите кои Лаура досега успеала да ги оживее на своето лице. Во август минатата година таа го наслика и Духот од ламбата на Аладин за да му оддаде почит на прерано починатиот актер Робин Вилијамс.
Лаура тврди дека нејзиниот метод за цртање е едноставен. „Наоѓам фотографија, а потоа ја држам на огледалото како водич и сликам директно на своето лице. Полесно е отколку што си мислите“ – вели Лаура и додава дека е трогната од позитивниот фидбек кој го добива. „Луѓето секогаш велат дека фотографиите ги усреќуваат и убаво е што носам радост“ – рекла младата артистка.
