Бјанка Балти, Виторија Черети, Ирина Шарипова и Бланка Падиља се убавиците од новата кампања на Dolce & Gabbana за женската колекција пролет/лето 2015.
За да го доловат медитеранскиот дух, дизајнерите Доменико Долче и Стефано Габана поканија и бабички кои се поврзуваат со сицилијанската култура.
За идната сезона дизајнерското дуо ја спои италијанската сензуалност со шпанската страст, а резултатот е занемувачки богата колекција исполнета со радост, љубов и сексапил.
Видео
Шпанското влијание врз Сицилија во периодот од 1516 до 1713 година е темата која ги постави темелите на колекцијата со јакни и болероа кои потсетуваат на матадори, развеани фустани со точкест принт, црвени рози и каранфили кои асоцираат на фламенко танчарки и пончоа и наметки со реси кои напомнуваат на традиционалната шпанска облека.
Кампањата за машката колекција
