Книгата „A Place in the Sun“ беше инспирацијата која им помогна на дизајнерките Керен Крег и Џорџина Чепмен да создадат неверојатно женствена и елегантна ресорт колекција.
Прекрасните тоалети не може да предизвикаат ништо друго освен воодушевување. Извезените мониста, кројката „сирена“ на здолништата, пастелните бои и деталите кои потсетуваат на грчките божици влеваат уникатност во секој модел.
Колекцијата овој пат повеќе е ориентирана кон обичните купувачи отколку кон холивудските ѕвезди и е наменета за забави покрај базен или коктели под ѕвездите, наместо прошетки по црвениот тепих.
И покрај тоа, нема да нè чуди ако видиме повеќе од една селебрити дама во убавите креации. Сепак, Marchesa е еден од омилените брендови на славните кога треба да избираат аутфит за свечен настан и кога знаат дека ќе се најдат во вестите на сите светски медиуми.
