Mango го отвори четиринаесеттото издание на популарниот моден настан 080 Barcelona Fashion, презентирајќи ја колекцијата есен/зима 2014.
Тони Гарн го означи стартот и финалето на ревијата која се одржа во поранешна болница и привлече над 800 гости. 21-годишната Германка ги направи првите чекори на пистата во лежерна комбинација, а подоцна го задржа вниманието на публиката со елегантна комбинација со развеано леопардско здолниште со висок шлиц.
Новата колекција е урбан микс од стилови, во кој доминираат релаксирани силуети. Црната боја лежи во основата на колекцијата, а палетата е надополнета со војничко зелени, сиви и црвени нијанси. Минималистичките вечерни креации пленат со елеганција, наспроти модерните кежуал креации кои влечат корени од строгиот деловен и мажествен изглед. Низ колекцијата се воочливи и елементи типични за спортскиот и рокерскиот стил на облекување.
