Свадбената прослава може буквално да биде бајковита и волшебна кога на младенците не им е важна финалната сметка.
Компанијата „Designlab Events“ ѝ го оствари сонот на Латифа Бинт Мактум, декорирајќи на уникатен начин просторија за 3.500 гости.
Седумчасовниот екстравагантен спектакл на Латифа, која е во роднинска врска со потпретседателот на Обединетите Арапски Емирати Мухамед бен Рашид ел Мактум, ги остави без зборови присутните и им подари неповторливо доживување.
70.000 сваровски кристали и 15.000 светечки стапчиња заедно со илјадници хартиени декорации оформуваа нереално атрактивен облак над главите на гостите, а пред нивните очи се одиграа неколку уметнички перформанси со истакнати танчарки и музичарки.
Белата маса за десерти била полна со 40.000 слатки задоволства.
Свадбениот настан „Lucid Dream“ бил планиран шест месеци, а биле потребни 224 часа за поставување на сите детали. Инспирацијата за фасцинантните декорации доаѓала од уметничките дела на среќната невеста.
