Мадона и Кети Пери се поп-ѕвездите кои со провокативност привлекуваат погледи кон новото издание на списанието „V“.
Славните пејачки позираа во садо-мазо издание пред фотографот Стивен Клајн.
По завршувањето на фотосесијата, 55-годишната пејачка имала само убави зборови за својата 29-годишна колешка. „Навистина уживав додека работев со тебе на фотосесијата. Луѓето секогаш мислат дека кога две диви се заедно, има чудни вибрации или чудна компетитивност, но ова беше навистина убаво и лесно и забавно“ – ѝ рекла Мадона на Пери.
Провокативниот стил не е новост за Мадона. „Отсекогаш велев, тато јас сум артист, морам да се изразувам. Не сфаќаш. Мислам дека конечно се помири со тоа. Му беа потребни само 30 години. Ми вели: Дали мораш да симулираш мастурбација на кревет? Дали морам? Да, тато, морам“ – коментирала таа.
