Мачето Дејзи се прослави на интернет благодарение на фотографиите на својот сопственик. И не е тешко да се види зошто. Пувкавото маче и неговите авантури во големиот свет се неодоливи.
Бен Тород секојдневно го фотографирал малото маченце, но никогаш не очекувал дека неговите фотографии ќе привлечат толку многу обожаватели. Тој го купил мачето заедно со својата сопруга во Токио, каде што и живеат. „Кога за првпат ја видовме Дејзи, тоа беше љубов на прв поглед. Всушност, влеговме во продавницата само за да разгледаме, но излеговме со Дејзи“ – признал тој.
Повеќето од фотографиите се направени кога Дејзи била стара само 2-4 месеци, но сега таа има една година.
Доволно е да фрлите само еден поглед кон Дејзи за да помислите дека е најслаткото маче на светот.
