Луисана Лопилато веќе неколку години остварува блиска соработка со модниот бренд „Marcela Koury“. 26-годишната актерка е заштитно лице на аргентинскиот бренд и за актуелната сезона пролет/лето 2013-2014 (летото во Аргентина е од декември до март).
На колоритните фотографии „младата бунтовничка“ позира во костими за капење и лесна облека за топлите месеци.
Луисана ја продлабочи соработката со брендот и создаде своја линија која го носи нејзиното име. Колекцијата вклучува облека во кежуал стил.
Веќе е познато дека Луисана ќе биде дел и од кампањата есен/зима 2014. Привлечната сопруга на Мајкл Бубле сподели и фотографија од снимањето на кампањата за следната сезона.
