Велат, кога нешто е успешно, не треба да се менува. Познатиот бренд за долна облека Ultimo ја следи таа филозофија и продолжува да соработува со убавата Луисана Лопилато.
На фотографиите од новата кампања, славната Аргентинка покажува умерен сексапил во романтични креации со чипка.
„Луисана изгледа апсолутно прекрасно во нашата долна облека, речиси како кукла. Лесно е да се види зошто таа неколкупати е прогласувана за една од најсексапилните жени на шпанското списание FHM“ – изјавила Мишел Моне од Ultimo.
Шармантната актерка, кај нас позната по улогата на Миа Колучи во серијата „Млади бунтовници“, зрачи со женствен шарм и секси, но девојчински гламур во розов и црн комплет.
Од компанијата се пофалиле и дека се задоволни од „Лопилато ефектот“, кој им донел значително зголемување на продажбите.
Луисана неодамна позираше и во новиот градник на Ultimo кој има блескава лента од камчиња на грбот за посвечени прилики.
