„Mango“ се подготвува за возбудливо лето. Шпанскиот моден бренд го објави летниот каталог со Андреа Диакони.
23-годишниот романски топ модел ја започнува модната приказна со креации инспирирани од тропски предели, низ кои доминантен е принтот со палми. Низ колекцијата наменета за впечатлив изглед во урбаната џунгла се насетуваат и сафари вибрации.
Следуваат минималистички креации кои се темелат на убавината на едноставната елеганција.
Комбинирајќи два силни тренда – џинс и бохо стил – „Mango“ ќе ги задоволи и девојките кои целат кон релаксиран и забавен изглед кој оддава безгрижност.
