„House of Dereon“, модната куќа на Бијонсе и нејзината мајка Тина Ноулс, ги објави фотографиите за летната колекција.
Моделите се младешки, забавни и ги следат најактуелните модни трендови – колор-блокинг, секси отсечоци, здолништа кои се подолги одназад, ацтеки принт, фустани на едно рамо...
Најголем дел од креациите ги истакнуваат женските облини на телото, потенцирајќи ја половината. Меѓу кратките панталони и фустанчиња има и три долги макси фустани кои внесуваат уште посилна динамика во колекцијата.
Стилот и концептот на „House of Dereon“ се инспирирани од три генерации жени во семејството Ноулс – Бијонсе, нејзината мајка Тина и нејзината баба Агнес Дереон.
