Дел од новата женска колекција на Том Форд се најде на страниците на јануарското издание на списанието W, а Лара Стоун е моделот кој ги претстави креациите.
49-годишниот дизајнер привлече многу внимание откако реши да им забрани на новинарите да присуствуваат на ревијата за претставување на неговата нова колекција, на која како модели се појавија Џулиен Мур и Бијонсе. Двете ѕвезди Том ги вбројува во 32-те славни жени кои тој ги нарекува „најинспиративните жени на светот“.
Во интервју за списанието Harper's Bazaar, Том Форд го објаснил својот избор на гости за шоуто. „Жените во моето шоу не го менуваат својот изглед секој ден. Тие имаат осознаено кои се. Осознајте кои сте, дознајте што сакате, осознајте во што изгледате добро“ – советува американскиот дизајнер.
Цените на неговите креации се многу повисоки од она што повеќето жени можат да си го дозволат. Модните зависнички се надеваат дека ќе се оствари соработката на Том Форд со H&M за да успеат да дојдат до некое негово парче облека.