Меланхолија во ретро стил зрачи од фотографиите за новата кампања на „H&M“ со Лана Дел Реј. Популарната пејачка позира во модели од есенската колекција кои одлично го претставуваат и нејзиниот препознатлив стил инспириран од 50-тите и 60-тите години.
Во колекцијата се истакнуваат шарени хеланки, бело палто со јака од вештачко крзно, мини фустанчиња, струкирани блузи, комфорна плетена блуза, како и розовите модни парчиња со кои Лана ја најави кампањата.
Наредниот месец ќе излезе и видео реклама за која Лана ќе сними преработка на големиот хит „Blue Velvet“.
