ФОТО: Криси Тиген блесна во креација од Зухаир Мурад покрај Џон Леџенд на Еми 2018

Криси Тиген дефинитивно знае како да привлече внимание.

На овогодишното доделување на престижните награди Еми во театарот „Микрософт“, 32-годишниот модел го придружуваше својот сопруг Џон Леџенд, кој беше номиниран за Еми во категоријата Најдобар актер во лимитирана серија или ТВ филм за улогата во „Jesus Christ Superstar“.

На жолтиот тепих, Криси блесна во креација од колекцијата висока мода за сезоната есен/зима 2018 на Зухаир Мурад. Во својот стајлинг, таа додаде и чантичка од Тајлер Елис, накит од Лорејн Шварц и сандали од Џими Чу.

Криси и Џон ѝ ја врачија наградата на Мерит Вивер за Најдобра актерка во споредна улога во лимитирана серија или филм.