Недискутабилно е дека Либан раѓа креатори кои знаат да проникнат во женската фантазија. Од татковината на Ели Сааб, Зухаир Мурад, Рами Кади и Жорж Хобеика доаѓа уште еден талент – Зијад Накад.
Колекцијата висока мода за сезоната есен/зима 2013 на амбициозниот дизајнер е базирана на едноставна елеганција и софистицирани детали. Гламурозните фустани инстантно го заробуваат погледот со префинетоста и бројните деликатни елементи.
Накад, познат по посветеноста на деталите и способноста максимално да ја истакне женската убавина и силуета, цели да достигне до дамите кои ги ценат уникатните дизајни и материјали.
