Ели Сааб го покори Париз со кралска елеганција. Манекенките изгледаа како кралици во блескави креации и со екстравагантни венчиња кои ја потенцираа аристократската инспирација.
Луксузните креации од колекцијата висока мода есен/зима 2015-2016 блескаа заради златните нишки и илјадниците кристали и мониста.
Златниот невестински фустан воодушевува и остава без здив.
Магичната модна бајка на Сааб недискутабилно ќе ги придобие дамите од високото општество, кои без многу двоумење се во можност да се збогуваат со десетици илјади евра за една од рачно изработените креации на либанскиот дизајнер.
