Сара Џесика Паркер им дава можност на своите обожавателки да се приближат до нејзиниот стил преку новата модна линија „SJP“.
Веќе е обелоденето како ќе изгледа секој модел од првата колекција обувки, која ќе биде пуштена во продажба онлајн кон крајот на следниот месец. За колекцијата славната актерка соработуваше со Џорџ Малкимас, CEO на дизајнерската куќа Маноло Бланик.
Инспирацијата Сара ја црпела од секојдневниот живот, цветните акценти од облеката во серијата „Сексот и градот“, како и стилот од 70-тите и 80-тите години.
„Цврсто верувам во квалитетот и безвременоста и ја креирав оваа колекција со надеж дека жените ќе ја носат години нанапред“ – изјавила 48-годишната актерка.
