Ријана ја објави втората колекција облека и чанти за познатиот моден бренд Армани. По учеството во рекламните кампањи на италијанската модна куќа, Ријана ја продлабочи соработката со Џорџо Армани со мини колекција.
„Ријана е одличен уметник. Таа има карактер, харизма и енергија и беше задоволство да се работи со неа. Таа совршено ја доловува младешката и современа суштина на Emporio Armani Underwear и Armani Jeans“ – изјавил Џорџо Армани преку соопштение за јавноста.
Колекцијата е составена од три фармерски модели, четири маички, кожена јакна и две чанти. Колекцијата е мала, но ова се само првите чекори на Ријана во светот на модата. 24-годишната пејачка ги откри и своите амбиции да има своја модна линија.
