Една од најпопуларните американки со облини е дефинитивно Ким Кардашијан. Таа никогаш се нема појавено во кадрите на фотографите, а да не изгледа како тукушто да поминала низ сите третмани за разубавување.
Но, третманите не даваат секогаш добри резултати. Во последната епизода од реалната телевизиска серија „Keeping Up With The Kardashians“, Ким реши пред камерите да си направи третман со Ботокс, но наместо подмладен изглед, таа се здоби со непријатни модринки под очите.
Иако има само 29 години, Ким посети клиника во Беверли Хилс за да прими Ботокс инекции околу нејзините очи. Набрзо по примањето на инекциите, очите на Ким станале подуени, а плус тоа се здобила и со модринки.
Моментот кога Ким дозна дека ѝ се прават модринки
Сепак, од целата оваа ситуација Ким барем извлекла поука. „Никогаш повеќе нема да го правам ова... барем не додека не сум 40 години“ – му кажала таа на своето семејство, откако научила дека модринките се нормален резултат од инекциите.