Ким Кардашијан и Луис Хамилтон сè поотворено споделуваат моменти од нивната врска.
Ријалити ѕвездата и седумкратниот светски шампион во Формула 1 споделија забавни мигови од романсата на Instagram.
Ким на својот профил сподели серија фотографии и видеа од секојдневието, а меѓу нив се најде и снимка од возење велосипед со Хамилтон.
Моментот привлече големо внимание кај следбениците, бидејќи додека Луис снимаше селфи и насмеано гледаше во камерата, Ким за малку ќе се судреше со него обидувајќи се да влезе во кадарот.
Извори блиски до парот откриваат дека Ким е многу среќна во врската со британскиот спортист и дека нивната врска станува сè посериозна.
Показател за тоа е фактот што Хамилтон веќе поминува време со нејзините деца – Норт, Сеинт, Чикаго и Псалм, кои Ким ги има од бракот со Кание Вест. Парот веќе беше заедно со децата на одмор во Токио.
„Ким е исклучително пребирлива кога станува збор за луѓето кои ги пушта покрај своите деца. Фактот што Луис веќе поминува време со нив покажува колку му верува“ – открил извор близок до семејството.
Двојката првпат беше поврзана на романтичен начин во февруари годинава, а оттогаш беше забележана на повеќе настани.
