Ако една од Греми наградите беше за најскап накит, тогаш таа дефинитивно ќе завршеше во рацете на Кери Андервуд.
Русокосата кантри пејачка на манифестацијата носеше огрлица која чини вртоглави 31 милион долари. Безумно скапиот накит од 381 карат е направен од бели дијаманти во различни форми.
Се разбира, накитот не е во нејзина сопственост, туку ѝ е позајмен од луксузниот бренд Johnathon Arndt.
Кога на црвениот тепих ѝ било поставено прашањето дали накитот е тежок, таа одговорила: „Ми тежи на душата. Вреди повеќе од мене“. Потоа се пошегувала и дека ѝ било страв некој да не ја ограби.
Кери беше облечена во блескава црна креација од Роберто Кавали.
