Списанието „Lucky“ ангажира две од најплатените манекенки на светот за изданието јуни/јули 2014.
Во едиторијалот „Here Comes The Sun“ ѕвезда е атрактивната Кендис Сванапул. 25-годишниот ангел позираше во летни комбинации на плажа пред објективот на Патрик Демаршелие.
Миранда Кер ја краси корицата на списанието. Модната фотосесија со 31-годишната Австралијка е дело на Тод Кол.
Во интервју за списанието, таа зборувала за тоа колку ги обожава честите патувања на различни места во светот. „Обожавам да патувам и да искусувам други култури, да гледам како се облекуваат луѓето на различни места во светот. Го сакам Париз затоа што архитектурата е прекрасна. Њујорк има специјална енергија. А културата во Токио е фасцинантна за мене“ – рекла таа.
Кендис и Миранда долго време соработуваа под „капата“ на Victoria’s Secret. Минатата година Кер не го обнови договорот со познатиот бренд.