Кендис Сванапул накратко заплива во дизајнерските води. Во соработка со брендот Mother, атрактивната Јужноафриканка креираше капсулна колекција фармерски панталони.
Седумте модели се инспирирани од уличниот стил во 90-тите години и се идеални за релаксиран кежуал изглед.
Фотографиите за кампањата се дело на Расел Џејмс, фотографот пред чиј објектив редовно застануваат ангелите на Victoria’s Secret.
Најдоброто кај колекцијата на Кендис е што е за хуманитарни цели. Имено, приходите ќе бидат донирани во јужноафриканската организација mothers2mothers, која се стреми до го превенира пренесувањето на ХИВ од мајките кај нивните бебиња.
