Два од најпознатите супермодели на светот се најдоа на насловната страница на руското списание „Interview“.
Во фотосесијата под раководство на дуото Мерт и Маркус, Кејт Мос и Наоми Кемпбел позираат една до друга. На некои од фотографиите двете манекенки се топлес, додека на други носат дизајнерска облека од модни куќи како Гучи и Сен Лоран.
Кејт и Наоми направиле кратко интервју во кое се потсетиле на старите добри времиња во 90-тите години, како и на првите нивни чекори во светот на модата.
Кога 38-годишната Кејт Мос ја прашала својата 42-годишна колешка дали е вистина дека првиот настап пред јавноста ѝ бил во спот на Боб Марли, Наоми одговорила: „Да, имав седум години. Тој беше толку згоден маж. Се сеќавам дека започнав да плачам кога му ги видов суканиците, затоа што мислев дека се црви. Но, тој беше навистина, навистина нежен“.
Фотосесијата е дел од декемвриското издание на списанието.
