Нова впечатлива кампања ја подигнува свеста кај жените за важноста на здравата исхрана за време на бременоста и доењето.
На фотографиите, создадени за Бразилската педијатриска асоцијација, се прикажани бебиња кои цицаат од градите на своите мајки. На градите на трите мајки е нацртан по еден нездрав производ – чизбургер, крофна и газиран сок – а бебињата се фотографирани така што наликува како да консумираат од нив.
„Вашето бебе е она што вие го јадете“ – е пораката на кампањата, која укажува на тоа дека бебето додека е во стомакот и додека цица јаде она што јаде неговата мајка. Во продолжение пишува: „Вашите навики во првите илјада дена од забременувањето можат да го заштитат вашето дете од развој на сериозни болести“.
Фотографиите се создадени од бразилската агенција „Paim“.