Не е возможно да не се чувствувате како божица во фустаните на Зијад Накад. Хармоничниот микс на префинет гламур, умерен сексапил и раскошна елеганција има моќ да ја придобие секоја модерна дама.
Вечерните фустани од колекцијата висока мода есен/зима 2015 го поставуваат талентираниот Либанец на мапата на дизајнери кои имаат потенцијал да доминираат на црвениот тепих.
Почитта на Накад кон убавината на женското тело го охрабрува секогаш да ја истакнува женствената силуета, а неговиот копнеж за впечатливост го принудува да иницира деликатна игра со транспарентност, блескави детали и минијатурни апликации.
Рачно изработените креации кријат одредена доза драматичност и театралност и вешто ја заскокоткуваат женската љубопитност.
