Секси тесни фустани со модерни отсечоци преовладуваат во ресорт колекцијата Herve Leger by Max Azria. Завој-фустаните кои се препознатливи за овој моден бренд ги мамат погледите на жените кои ги обожаваат своите облини.
Кај повеќето модели се појавуваат интересни обоени геометриски форми коишто ја разбиваат монотонијата на еднобојноста и потсетуваат на изглед на девојка супер-херој. Асиметричните отсечоци ги прават моделите уште поинтересни, а блескавите материјали им даваат на некои фустани гламурозен изглед.
Освен припиени фустани, во колекцијата има и костими за капење во дизајни кои ќе ги задоволат оние што сакаат да отскокнат од толпата.
