Ева Грин влегува во магичен свет на коктели, обоен во црвено. 34-годишната актерка позираше за новиот календар на Campari, наречен „Mythology Mixology“.
Преку атрактивни фотографии, компанијата предлага неочекувана, но модерна интерпретација на митовите за создавањето на најпознатите Campari коктели. Облечена во специјални црвени фустани од модни куќи како Азедин Алаја, Версаче и Вивиен Вествуд, Грин застана пред објективот на Јулија Фулертон-Батен.
Ева ги следи стапките на Ума Турман, Пенелопе Круз, Мила Јовович, Ева Мендез, Ева Лонгорија и Џесика Алба, кои ги красеа претходните изданија на календарот.
