Софија Вергара им дозволува на фановите да допрат поблиску до нејзиниот стил. 41-годишната актерка неколку сезони дизајнира колекции за американскиот ланец на продавници Kmart.
Есенската колекција повторно се фокусира на женската фигура. „Сакам да се дотерувам и мислам дека како жена многу е важно да ја прифатиш својата форма и својата фигура и да носиш облека која те усреќува. Сите парчиња кои ги дизајнирам за Kmart се за жени кои ги носат своите деца на училиште, потоа заминуваат на работа, потоа излегуваат некаде на вечера или повторно се враќаат дома“ – изјавила Вергара.
Во колекцијата за првпат е вклучена и долна облека за обликување на телото.
Привлечната Колумбијка вчера присуствуваше на прослава во Њујорк по повод пуштањето во продажба на нејзината најнова колекција. Како што и се очекуваше, ѕвездата од „Modern Family“ се појави во сопствена креација.
