Ен Хетавеј изгледа елегантно и префинето на корицата на декемвриското издание на „Вог“. За модната библија, 30-годишната актерка беше фотографирана од легендарната Ени Либовиц.
На фотографиите Ен сè уште има кратка фризура и вели дека многу ѝ се допаѓа. „Полнам 30 години и се надевам дека не звучи одбивно, но се чувствувам поубава. Претпоставувам дека сега сум позадоволна со помалку“ – вели таа.
Ен ја истрижа долгата коса за новиот филм „Les Misérables“, кој се снима според популарната книга на Виктор Иго, „Клетници“. Во филмот Ен влегува во улогата на Фантина, мајка која ја продава својата коса, предните заби и станува проститутка за да има доволно пари за својата ќерка.
„Фантина е борец за љубовта. Таа е склона да жртвува сè за своето дете – својот морал, својот изглед, својот живот“ – вели Ен.
Во интервјуто Ен открила дека за улогата на Фантина ослабела 12 килограми. Пред филмот симнала 5 килограми, а потоа јадела само по две тенки парчиња сува овесна паста дневно со цел за краток период да ослаби уште 7 килограми.
Ен во улогата на Фантина
„Морав да бидам опсесивна – идејата беше да изгледам како да сум на работ на смртта“ – признала таа.
Ен неодамна беше под рефлекторите на медиумите поради венчавката со Адам Шулман. На свадбената церемонија таа носеше фустан од Валентино кој го дизајнирала заедно со славниот креатор. „Спомените од креирањето на венчаницата со него е нешто што ќе го чувам засекогаш. Тој некако ми ги читаше мислите и дизајнира фустан каков што отсекогаш сум посакувала“ – изјавила таа.
Ен во венчаницата од Валентино